நீதிமன்றத்தின் அனைத்து சட்ட நடைமுறைகளும் நிறைவடைந்த பின்னர், எந்தவொரு கைதியும் மன்னிப்புக் கோரி மனு சமர்ப்பிக்க உரிமை பெற்றுள்ளதாக உள்துறை அமைச்சர் டத்தோ ஶ்ரீ சைஃபுடின் நசுத்தியோன் இஸ்மாயில் தெரிவித்துள்ளார்.
கைதிகள் சமர்ப்பிக்கும் மன்னிப்பு மனுக்கள், கூட்டரசு நிலையில் மன்னிப்பு வாரியத்தின் பரிசீலனைக்கும், மாநிலங்களில் அந்தந்த ஆட்சியாளர்களின் கவனத்திற்கும் கொண்டு செல்லப்படும் என்று அவர் குறிப்பிட்டார்.
எனினும், மன்னிப்பு மனு ஏற்றுக் கொள்ளப்படுமா என்பது தனிப்பட்ட முடிவு என்றும் அவர் விளக்கினார்.
மேலும், வீட்டுக் காவல் உள்ளிட்ட தண்டனைக் குறைப்பு தொடர்பான மன்னிப்பு வாரியத்தின் இறுதி முடிவுகளைச் செயல்படுத்துவது மட்டுமே உள்துறை அமைச்சின் பொறுப்பு என்றும், மனுக்களைப் பரிசீலித்து முடிவெடுப்பது அதன் அதிகார வரம்பிற்கு உட்பட்டதல்ல என்றும் அவர் தெரிவித்தார்.
