ஏப்ரல் 20ஆம் தேதி தித்தி காஜாவில் ஒருவர் மற்றொருவரை குத்தி தாக்கும் சம்பவம் தொடர்பான வைரல் காணொளி குறித்து போலீசார் விசாரணை மேற்கொண்டு வருகின்றனர்.
82 விநாடிகள் கொண்ட அந்த காணொளியில், சிலருடன் வந்த ஒருவர் பாதிக்கப்பட்ட நபரை குத்தி தாக்கி கீழே விழச் செய்வது பதிவாகியுள்ளது.
இந்த சம்பவம் குறித்து புகார் பதிவு செய்யப்பட்டுள்ளதாக கோத்தா ஸ்டார் மாவட்ட போலீஸ் தலைவர் சையத் பஸ்ரீ சையத் அலி உறுதிப்படுத்தினார்.
இத்தாக்குதலுக்குப் பிறகு வாந்தி மற்றும் தலைச்சுற்றல் ஏற்பட்டதால் பாதிக்கப்பட்டவர் சுல்தானா பாஹியா மருத்துவமனைக்கு கொண்டு செல்லப்பட்டு அவசர சிகிச்சைப் பிரிவில் அனுமதிக்கப்பட்டதாகவும் போலீசார் தெரிவித்துள்ளனர்.
மேலும், அவருக்கு வலிப்பு வராமல் தடுக்கும் மருந்து வழங்கப்பட்டு மேலதிக கண்காணிப்பிற்காக அனுமதிக்கப்பட்டுள்ளதாகவும் கூறப்படுகின்றது.
