மலேசிய கலைஞர்களை கெளரவித்து, அவர்களுக்கு ஓர் அங்கீகாரம் வழங்கும் உன்னத நோக்கில் MY FAME ஏற்பாட்டில் SA PA SA இசை என் அடையாளம் எனும் பாடல்திறன் போட்டி மிக விமர்சையாக நடைபெறவிருக்கிறது.
இந்த மாபெரும் நிகழ்ச்சியை குறித்த சிறப்பு அறிவிப்பு கடந்த மே 23 ஆம் தேதி, மாலை 6 மணி முதல் 7 மணி வரையில் கோலாலம்பூர், துன் சம்பதன் பிரிக்ஃபீல்ட்ஸ், ஜேடிஆர் ஹால் - லில் நடந்தேறியது.
இந்நிகழ்விற்கு சிறப்பு பிரமுகராக YB செனட்டர் திரு. சுரேஷ் சிங் உட்பட ராகா புகழ் கவிமாறன், Lock Up Nathan ஆகியோர் கலந்து சிறப்பித்தனர்.
நாட்டில் கலைஞர்களுக்கும் மதிப்பளித்து அவர்களின் திறமைக்கு ஓர் அங்கீகாரம் வழங்க வேண்டும் என்கிற Lock Up Nathan - னின் சிந்தனையாற்றல் பாராட்டக்குரியது.
கலைஞர்களிடையே மறைந்திருக்கும் தனி ஆற்றலை வெளிக் கொண்டு வரவிருக்கும் SA PA SA பாடல்திறன் போட்டி இணையத்தளத்தில் இடம் பெறவுள்ளது.
இந்த பாடல்திறன் போட்டி மற்ற நிகழ்ச்சிகளை போல் இல்லாமல் சற்று மாறுப்பட்டு, தற்போதைய தொழில்நுட்ப வளர்ச்சிக்கு ஏற்ப கலைஞர்களின் திறமை மிகுந்த ஆற்றல்களை வைரலாக்குவதும் விளம்பரப்படுத்துவதுமே இப்போட்டியின் முக்கிய நோக்கமாகும் என்கிறார் Lock Up Nathan.
18 வயதிற்கு மேற்பட்ட மலேசியர்கள் 1 நிமிடத்திற்குள் அவர்களுக்கு பிடித்த பாடலை பாடி அவர்களின் குரல் திறனை ஒரு காணொளியாக www.myfame.com.my என்கிற இணையத்தளத்திற்கு அனுப்பி வைக்கலாம்.
போட்டியாளர்கள் காணொளிகளை அனுப்பி வைக்கும் இறுதி நாள் ஜூன் 9 ஆம் தேதி. திறமைமிக்கவர்கள் இந்த வாய்ப்பினை பயன்படுத்தி பங்கேற்குமாறு கேட்டுக் கொள்ளப்படுகிறது.
