கோர சாலை விபத்தில் இருவர் உயிரிழந்தனர்

பகாங்,ஜூலை 27-

பகாங், Jalan Lancang – Mentakap சாலையில் Temerloh அருகில் இன்று பிற்பகல் 12.40 மணியளவில் இரண்டு வாகனங்கள் மோதிக் கொண்ட கோர விபத்தில் இருவர் உயிரிழந்தனர். இதர ஐவர் காயமுற்றனர்.

இதில் டிரெய்லர் லோரியும், Toyota Hilux 4 Drive வாகனமும் எதிரும் புதிருமான மோதிக்கொண்டதாக பகாங் மாநில தீயணைப்பு, மீட்புப்படை பொது உறவு அதிகாரி Zulfadil Zakaria தெரிவித்தார்.

டிரெய்லர் லோரி மோதி, உருகுலைந்த Hilux வாகனத்தில் இருவர் இடிபாடுகளுக்கு இடையில் சிக்கி சம்பவ இடத்திலேயே மாண்ட வேளையில் இதர ஐவர் மீட்கப்பட்டு தெமர்லோ, Sultan Haji Ahmad Shah மருத்துவமனைக்கு கொண்டு செல்லப்பட்டதாக Zulfadil Zakaria குறிப்பிட்டார்.