நெகிரி செம்பிலான் மாநிலத்தில் ஏற்பட்டிருந்த அரசியல் நெருக்கடி முற்றிலும் தீர்க்கப்பட்டுள்ளதாக அரசாங்க செய்தித் தொடர்பாளரும், தொடர்புத்துறை அமைச்சருமான ஃபாமி ஃபட்சில் அறிவித்துள்ளார்.
ஒற்றுமை அரசாங்கத்தின் கூட்டணி கட்சிகளான பாரிசான் நேஷனல் மற்றும் பக்காத்தான் ஹராப்பான் தலைமைத்துவத்திற்கிடையில் நேற்று நடைபெற்ற சந்திப்பிற்கு பின்னர் இந்த பிரச்சினையானது “தீர்க்கப்பட்டது” என அமைச்சரவைக்கும் தெரிவிக்கப்பட்டதாக அவர் குறிப்பிட்டுள்ளார்.
மேலும், மந்திரி பெசார் அமினுடின் ஹாரூன் தலைமையிலான நெகிரி செம்பிலான் ஒற்றுமை அரசாங்கம் வழக்கம் போல செயல்படும் என்பதையும் ஃபாமி ஃபட்சில் உறுதிப்படுத்தியுள்ளார்.
ஒற்றுமை அரசாங்கத்தின் கட்டமைப்பின் கீழ் கையெழுத்திடப்பட்ட ஒப்பந்தங்களுக்கு இணங்க, எதிர்காலத்தில் எழும் எத்தகைய பிரச்சினைகளும், அந்தந்தக் கட்சிகளின் தலைமைத்துவத்திற்கு பரிந்துரைக்கப்படும் என்றும் அவர் குறிப்பிட்டுள்ளார்.
