சிலாங்கூர் மாநிலம், ஷா ஆலம், ஐ-சிட்டி மற்றும் செக்ஷன் 7 பகுதிகளில், ஒரு மணி நேரத்திற்கும் மேலாகப் பெய்த கனமழையால் சாலைகளில் திடீர் வெள்ளம் ஏற்பட்டது.
இன்று பிற்பகல் 1 மணியளவில் தொடங்கிய மழையால் பல வாகனங்கள் செல்ல முடியாமல் கடுமையான போக்குவரத்து பாதிப்பு ஏற்பட்டது.
குறிப்பாக ஐ-சிட்டி பகுதியில் சாலைகளிலும், செக்ஷன் 7பகுதியில் உள்ள வாகன நிறுத்துமிடத்திலும் வெள்ளநீர் சூழ்ந்தது.
இது தொடர்பான காணொளிகளைப் பொதுமக்கள் திரேட்ஸ் சமூக ஊடகத்தில் பகிர்ந்ததுடன், வெள்ளப் பகுதிகளைத் தவிர்க்குமாறும் அறிவுறுத்தினர்.
இதற்கிடையில், இன்று மாலை 5 மணி வரை சிலாங்கூர், கோலாலம்பூர் உள்ளிட்ட ஒன்பது மாநிலங்களில் இடியுடன் கூடிய கனமழை மற்றும் பலத்த காற்று வீசக்கூடும் என மலேசிய வானிலை ஆய்வு மையமான மெட்மலேசியா எச்சரித்திருந்தது குறிப்பிடத்தக்கது.
