நில வரியை குறைப்பதற்கு பேரா மாநிலம் திட்டம்

தங்களின் நில வரியை குறைக்கும்படி விண்ணப்பம் செய்துள்ள ஏழைகள், மாற்றத்திறனாளிகள் ஆகியோருக்கு நில வரியை குறைப்பது தொடர்பில் பேரா மாநில அரசாங்கம் பரிசீலனை செய்து வருவதாக மாநில மந்திரி பெசார் டத்தோ செரி சாரானி முகமட் தெரிவித்துள்ளார்.

இதன் தொடர்பில் தகுதி பெற்றவர்களுக்கு நில வரியை குறைக்கும்படி பேரா மாநில நில மற்றும் கனிமவள அலுவலகத்தின் இயக்குநர், சம்பந்தப்பட்ட இலாகாக்களுக்கு சுற்றறிக்கை வெளியிட்டு இருப்பதாக சாரானி முகமட் குறிப்பிட்டார்.