கோத்தாபாரு, டிச. 28-
கிளந்தான் மாநிலத்தில் உணவு மற்றும் குளிர்பான விற்பனை உரிமையாளர்கள், தங்களின் வர்த்தக வளாகங்களில் ஹலால் சான்றிதழ் கட்டாயமாக்கப்பட்ட விவகாரத்தில் முஸ்லிம் அல்லாதவர்கள் நடத்துகின்ற வணிகத் தளங்கள் பாதிக்கப்படாது என்று மாநில ஆட்சிக்குழு உறுப்பினர் ஒருவர் தெரிவித்தார்.
ஹலால் சான்றிதழை கட்டாயமாக்கியிருக்கும் கிளந்தான் மாநில ஆட்சிக்குழுவின் முடிவு, முஸ்லிம் அல்லாத வணிகர்களுக்கு பாதிப்பை ஏற்படுத்தாது. ஹலால் சான்றிதழ் கொண்டிருப்பதை அவர்களுக்கு கட்டாயமாக்கப்படவில்லை.
இது முஸ்லிம் உணவு மற்றும் குளிர்பான விற்பனைத் தளங்களுக்கு மட்டுமே பொருந்தும் என்று மாநில ஊராட்சிமன்ற, வீடமைப்பு, சுகாதாரம் மற்றும் சற்றுச்சூழல் ஆட்சிக்குழு உறுப்பினர் ஹில்மி அப்துல்லா தெரிவித்துள்ளார்.
