கோலாலம்பூர் அனைத்துலக விமான நிலையமான கேஎல்ைஏவின் குடியிருப்பில் பெண் சுங்கத்துறை அதிகாரி ஒருவர் நேற்று வியாழக்கிழமை இரவு உயிரிழந்த நிலையில் கண்டெடுக்கப்பட்டார்.
அவர் தனது கணவரால் கொலை செய்யப்பட்டிருக்கலாம் எனச் சந்தேகிக்கப்படுகின்றது.
இச்சம்பவம் தொடர்பாக வியாழக்கிழமை இரவு சுமார் 8.30 மணியளவில் போலீசாருக்குத் தகவல் கிடைத்ததாக நெகிரி செம்பிலான் மாநில போலீஸ் தலைவர் டத்தோ அல்ஸாஃப்னி அஹ்மாட் தெரிவித்துள்ளார்.
மேலும், இச்சம்பவத்தைத் தொடர்ந்து சந்தேக நபரான கணவர், போலீஸ் நிலையத்தில் சரணடைந்ததாகவும் அவர் குறிப்பிட்டுள்ளார்.
இந்நிலையில், கொலைக்கான உண்மையான காரணம் மற்றும் சம்பவம் நிகழ்ந்த துல்லியமான நேரத்தைக் கண்டறிய போலீசார் சம்பவ இடத்தில் விரிவான விசாரணை மேற்கொண்டு வருகின்றனர்.
இவ்வழக்கு குற்றவியல் சட்டம் பிரிவு 302-இன் கீழ் விசாரிக்கப்பட்டு வருகின்றது.
