மலாக்கா மாநிலத்தின் 16-ஆவது சட்டமன்றத் தேர்தலுக்கான வாக்குப்பதிவு நவம்பர் 14-ஆம் தேதி நடைபெறும் என்று தேர்தல் ஆணையம் அறிவித்துள்ளது.
தேர்தலுக்கான வேட்புமனுத் தாக்கல் அக்டோபர் 31-ஆம் தேதியும், முன்கூட்டிய வாக்குப்பதிவு நவம்பர் 10-ஆம் தேதியும் நடைபெறும் என்று தேர்தல் ஆணையத் தலைவர் ரம்லான் ஹாருன் தெரிவித்தார்.
மலாக்காவில் 28 சட்டமன்றத் தொகுதிகளில் 6 லட்சத்து 87 ஆயிரத்து 697 பேர் வாக்களிக்க தகுதி பெற்றுள்ளனர். தேர்தலை நடத்த 271 வாக்குப்பதிவு மையங்களில் 1,263 வாக்குப்பதிவு வழித்தடங்கள் அமைக்கப்படும். இதற்கான செலவு 28.45 மில்லியன் ரிங்கிட் என மதிப்பிடப்பட்டுள்ளது.
