ஹாடி அவாங்கின் உரையில் 3ஆர் விவகாரம் உள்ளது

பாஸ் கட்சித் தலைவர் அப்துல் ஹாடி அவாங் ஆற்றிய உரையில் இனம், மதம், ஆட்சியாளர்கள் தொடர்புடைய 3ஆர் விவகாரமாக இருப்பதாக புக்கிட் அமான் போ​லீஸ் தலைமையகத்தின் குற்றப்புலனாய்வுத்துறை போ​லீஸ் இயக்குநர் டத்தோஸ்ரீ முகமட் ஷுஹைலி முகமட் ஜைன் தெரிவித்துள்ளார்.

​மூவார், பக்ரி யில் நிகழ்த்திய உரையில் 3ஆர் தொடர்புடைய அம்சங்கள் இருப்பது கண்டு பிடிக்கப்ப்டடுள்ளன. அதன் அடிப்படையிலேயே ஹாடி அவாங்கை விசாரணைக்காக புக்கிட் அமான் போ​லீஸ் தலைமையகம் அழைத்துள்ளதாக முகமது ஷுஹைலி குறிப்பிட்டார்.

தேர்தல் பிரச்சார கால​த்தில் உணர்ச்சிகரமான விவகாரங்களை உள்ளடக்கிய 3ஆர் விவகாரத்தை ​எந்தவொரு தரப்பும் தொடக்கூடாது என்பது அரச மலேசியப் போ​லீஸ் படையின் உத்தரவாகும். ஆனால், ஹாடி அவா​​ங், குற்றவாளிகள் என உறுதி செய்யப்பட்ட நபர்களுக்கு மன்னிப்பு வழங்கும் பொது மன்னிப்பு வாரியத்தின் செயல்பாடு குறித்து ஹாடி அவாங் கேள்வி எழுப்பியுள்ளார். இது முழுக்க முழுக்க ஆட்சியாளர்கள் தொடர்புடைய விவகாரமாகும். பொது மன்னிப்​பு விவகாரத்தை எந்தவொரு தரப்பினரும் கேள்வி எழுப்பக்கூடாது என்ற நிலையிருக்கும் பட்சத்தில் அது குறித்து ஹாடி அவாங் றி பேசியது தொடர்பில் போ​லீசாரின் விசாரணைக்கு அழைக்கப்பட்டுள்ளதாக முகமது ஷுஹைலி விளக்கினார்.