ஆயிரக்கணக்கான மீன்கள் மடிந்தன

மலாக்கா, ஜூன்.29-

மலாக்கா ஆற்றில் ஆயிரக்கணக்கான மீன்கள் இறந்து மிதந்துள்ளன. இதற்கு மாசுபாடும் முக்கியக் காரணமாக இருக்கலாம் என மலாக்கா ஊரக வளர்ச்சி, விவசாயம், உணவு பாதுகாப்பு ஆட்சிக் குழுவின் துணைத் தலைவரும் கோத்தா லக்சாமானா சட்டமன்ற உறுப்பினருமான லோ சீ லியோங் தெரிவித்துள்ளார். உடனடியாகச் சுத்தம் செய்யும் பணிகளைத் தொடங்கவும், சுற்றுச்சூழல் அமைப்பைப் பாதுகாக்கவும் மாநில அரசு தொடர்புடைய அனைத்துத் துறைகளுக்கும் உத்தரவிட்டுள்ளது என்று அவர் கூறினார்.

ஆற்றில் எண்ணெய் போன்ற ஒரு பொருள் மிதந்ததைக் கண்டறிந்த பிறகு, இந்தச் சம்பவம் குறித்து மாசு கட்டுப்பாட்டு அமைப்பு விசாரணை நடத்தி வருகிறது, மேலும் சட்டவிரோதமாக மாசுபடுத்திகளை வெளியேற்றியவர்கள் மீது கடுமையான நடவடிக்கை எடுக்கப்படும் என லோ சீ லியோங் கூறினார்.