நாட்டில் உள்ள பயணிகள் எதிர்கொள்ளும் போக்குவரத்து பிரச்னைக்கு தீர்வு காண விரைவில் தேவைக்கேற்ப வேன் போக்குவரத்து சேவையை அறிமுகப்படுத்துவது சிறந்த முன்னெடுப்பாகும் என்று போக்குவரத்து ஆலோசகர் ஒருவர் கூறியிருந்தார்.
இந்தச் சேவை அருகிலிருக்கும் பேருந்து நிறுத்தம், ரயில் நிலையத்திற்கு செல்வதற்கு பெரும் உதவியாக இருப்பதோடு பொதுமக்கள் தனியார் வாகனங்களை நம்புவதை குறைக்கும் என்று நிலப் போக்குவரத்து ஆணையத்தின் முன்னாள் அதிகாரி வான் அகில் வான் ஹாசன் தெரிவித்தார்.
புதியதொரு வேன் போக்குவரத்து சேவை கண்டிப்பாக பயணிகள் பொதுபோக்குவரத்தை பயன்படுத்த முற்படுவதுடன் சாலை நெரிசலையும் தடுக்க முடியும் என்று வான் அகில் விவரித்தார்.
அதிக நேரம் சாலை நெரிசலில் செலவிடுவதிலும் பொதுபோக்குவரத்து பேருந்துக்காக காத்திருப்பதிலும் இருந்து தற்காத்து கொள்ள இச்சேவை பங்காற்றும் என்று வான் அகில் அறிவித்தார்.
