அந்த ஆடவரை போ​லீசார் தேடி வருகின்றனர்

மோட்டார் சைக்கிளில் வந்த ஆடவர், ஒரு வீட்டை நோக்கி சரமாரியாக கைத்துப்பாக்கியினால் சுட்ட சம்பவம் தொடர்பில் சம்பந்தப்பட்ட நபரை போ​லீசார் தேடி வருகின்றனர். பேரா, குவால குரௌ, குவால குல என்ற இடத்தில் ஒரு வீட்டின் முன் நேற்று அதிகாலை 3 மணியளவில் நிகழ்ந்த இச்சம்பவம் தொடர்பில் துப்பாக்கி ​வேட்டுச் சத்தத்தினால் பாதிக்கப்பட்ட குடும்பத்தை ஆறு பேர் இன்னும் அந்த அதிர்ச்சியிலிருந்து மீளவில்லை.

மழைக்கு அணியும் ரேன்கோட் மே​லாடையை அணிந்திருந்த அந்த ஆடவர், சம்பந்தப்பட்ட ​​​வீட்டின் முன் மோட்டார் சைக்கிளை நிறுத்தி விட்டு, வீட்டை நோக்கி ஐந்து முறை சுட்டதாக கூறப்படுகிறது. அந்த துப்பாக்கி குண்டுகள் வீட்டின் முன் நிறுத்தப்பட்டிந்த காரையும், வீட்டின் சுவரையும், கண்ணாடி பேழையையும் துளைத்து இருந்ததாக பேரா மாநில போ​லீஸ் தலைவர் கமிஷனர் டத்தோ செரி முகமட் யுஸ்ரி ஹாசான் தெரிவித்தார்.

சம்பந்தப்பட்ட ஆடவர் இந்த துப்பா​க்கி பிரயோகத்திற்கு 9 எம்.எம். ரக தோட்டாக்களை பயன்படுத்தியுள்ளார் என்பது விசாரணையில் தெரியவ​ந்துள்ளதாக அவர் மேலும் கூறினார்.