கார்டீனியா ரொட்டி விலையில் மாற்றம் இல்லை

கார்டீனியா நிறுவனத்தின் தயாரிப்பிலான வார் ரொட்டி, கோதுமை ரொட்டி, டோஸ்டெம் ரொட்டி ஆகியவற்றில் விலை உயர்வு இல்லை. அவற்றின் நடப்பு விலை தொடர்ந்து நிலைநிறுத்தப்படும் அதேவேளையில் சில குறிப்பிட்ட உணவுப்பொருட்களில் மட்டுமே வரும் அக்டோபர் முதல் தேதியிலிருந்து விலை உயர்த்தப்படவிருப்பதாக கார்டீனியா நிறுவனம் அறிவித்துள்ளது.
அடுத்த மாதம் முதல் கார்டீனியா நிறுவனத்தின் அனைத்து தயாரிப்பிலான ரொட்டி மற்றும் இதர உணவு பண்டங்கள் விலையேற்றம் காண்பதாக சமூக வலைத்தளங்களில் பரவலாக பகிரப்பட்டு வரும் தகவல்கள் தொடர்பில் அந்த முன்னணி ரொட்டி தயாரிப்பு நிறுவனமான கார்டீனியா விளக்கம் அளித்துள்ளது.