ஜெராம் பாடாங் பாரிசான் நேஷனல் வேட்பாளர் விபத்தில் சிக்கினார்

நெகிரி செம்பிலான், ஜெராம் பாடாங் சட்டமன்றத் தொகுதியின் பாரிசான் நேஷனல் வேட்பாளர் சைடி அப்துல் கடீர் இன்று அதிகாலையில் விபத்துக்குள்ளாகினார். தாம் போட்டியிடும் ஜெராம் பாடாங் தொகுதியில் ​தீவிர தேர்தல் பிரச்சாரத்தில் ஈடுபட்டப்பின்னர் அதிகாலை 3.25 மணியளவில் தமது வீட்டிற்கு காரில் திரும்பிக்கொண்டு இருந்த போது ஜெம்போலில் பாசிர் பெசார் - பாலோங் ரோட் சாலையில் அவரின் கார் விபத்துக்குள்ளாது. சொற்ப காயங்களுடன் சைடி உயிர் தப்பியுள்ளார். எனினும் அவரின் கார் ஓட்டுநர் கடுமையான காயங்களுக்கு ஆளாகி கவலைக்கிடமான நிலையில் மருத்துவமனையில் சேர்க்கப்பட்டுள்ளார். இச்சம்பவ​த்தை உறுதிபடுத்திய தம்பின் மாவட்ட போலீஸ் தலைவர் அனுவார் அப்துல் வஹாப் , இது தொடர்பாக போ​லீஸ் துறை ஓர் அறிக்கையை வெளியிடும் என்றார்.