உலகமே எதிர்பார்க்கும் அமெரிக்க அதிபர் தேர்தலில் குடியரசுக் கட்சியின் வேட்பாளரும் முன்னாள் அதிபருமான டொனல்ட் டிரம்ப் 195 இடங்களிலும், ஜனநாயகக் கட்சி வேட்பாளரும் தற்போதைய துணை அதிபருமான கமலா ஹாரிஸ் 91 இடங்களிலும் முன்னிலை வகிக்கின்றனர். இது தற்போதைய நிலவரம். இதில் பெரிய அளவில் மாற்றமிருக்காது என நம்பப்படுகிறது.
டோனல்ட் டிரம்ப், ஃபுளோரிடா, ஒஹோயோ மாநிலங்களில் வெற்றிபெற்றுள்ளதாக செய்திகள் வெளியாகியுள்ளன.
பிபிசி உள்ளிட்ட ஊடகங்கள் இத்தகவலை வெளியிட்டுள்ளன. மேலும், ஆகக் கடைசி நிலவரப்படி அதிபர் தேர்தலில் டொனல்ட் டிரம்ப் முன்னணி வகிப்பதாகப் பல கணிப்புகள் காட்டுகின்றன.
அமெரிக்க அதிபர் தேர்தலில் மொத்தமுள்ள 538 தேர்வாளர் குழு வாக்குகளில் யார் 270 அல்லது அதற்கும் அதிகமான வாக்குகளைப் பெறுகிறாரோ அவரே வெற்றி பெறுவார், அதிபராக அறிவிக்கப்படுவார் என்று எதிர்பார்க்கப்படுகிறது.
