பயமும் உணர்ச்சிகளும் நிறைந்த பழமையான அரசியல் பேச்சுக்களுக்குள் ஜொகூர் அரசியல் சிக்கிக்கொள்ளக் கூடாது என்று அமானா கட்சியின் உதவித் தலைவர் டத்தோ மஹ்பூஸ் ஒமர் தெரிவித்துள்ளார்.
ஜசெக கட்சியுடன் ஒரே மேசையில் அமர்வதை விடப் பதவி இல்லாமல் இருப்பதே மேல் என்ற ஜொகூர் தற்காலிக மந்திரி புசார் டத்தோ ஆன் ஹாஃபிஸ் காசியின் அண்மைய அறிக்கை, ஜொகூர் அம்னோவிடம் இன்னும் பழைய அரசியல் சிந்தனைகள் இருப்பதை காட்டுவதாக அவர் விமர்சித்துள்ளார்.
புத்ராஜெயாவில் கூட்டரசு அமைச்சரவையில் ஒவ்வொரு வாரமும் அம்னோ தலைவர்கள் DAP தலைவர்களுடன் இணைந்து செயல்படும்போது, ஜொகூரில் மட்டும் அதற்கு எதிர்ப்புத் தெரிவிப்பது மக்களிடையே குழப்பத்தையும் அம்னோவிற்குள் இருக்கும் முரண்பாட்டையும் காட்டுவதாக அவர் சுட்டிக்காட்டியுள்ளார்.
