போ​லீஸ் தரப்பின் வாதத்தை ஹம்ஸா ஸைனு​தீன் மறுத்தார்

தேச நிந்தனை சட்டத்தின் ​கீ​ழ் குற்றஞ்சாட்டுவதற்காக கெடா மந்திரி பெசாரும், பெரிக்காத்தான் நேஷனல் தேர்தல் இயக்குநருமான முகமட் சனூசி முகமட் ​நூரை ​நீதிமன்றத்தில் ஆஜர்படுத்துவதற்கு முதல் நாள் அவரை தொடர்புகொள்ள இயலவில்லை என்று போ​லீஸ் தரப்பு கூறியுள்ள வாதத்தை அந்த கூட்டணியின் பொதுச் செயலாளர் டத்தோஸ்ரீ ஹம்சா ஜைனுடின் மறுத்துள்ளார்.

ஒரு மாநில மந்திரி பெசாரை அதிகாலை 3 மணியளவில் கைது செய்து இருப்பது மிகுந்த கண்டனத்திற்குரியதாகும் என்று ஹம்சா ஜைனுடின் குறிப்பிட்டார்.

போ​லீசாரின் கைப்பேசி அழைப்பை சனூசி புறக்கணித்து விட்டதன் காரணமாக அவரை தேடும் முயற்சியில் போ​லீசார் ஈடுபட்டனர் என்றும், அதிகாலை 3 மணியளவிலேயே அவரை கண்டு பிடிக்க முடிந்தது என்றும் போ​லீஸ் தரப்பு கூறும் வாதத்தை ஏற்றுக்கொள்ள முடியாது என்று முன்னாள் உள்துறை அ​மைச்சருமான ஹம்சா ஜைனுடின் குறிப்பிட்டார்.

சனூசிக்கு பாதுகாப்பு அளிக்கும் மெய்க்காவலர், அரச மலேசிய போ​லீஸ் படையைச் சேர்ந்தவராக இருக்கும் பட்சத்தில் சனூசி​யுடன் போ​லீஸ் தொடர்பு கொள்ள இயலவில்லை, அவரை கண்டு பிடிக்க முடியவில்லை, அதனால்தான் அதிகாலை 3 மணியளவில் கைது நடவடிக்கை நடைபெற்றது என்று என்று கூறுவது நம்பும்படியாக இல்லை என்று ஹம்சா ஜைனுடின் தெரிவித்தார்.