கோத்தா கினபாலு, நவம்பர்.29-
இன்று சனிக்கிழமை நடைபெற்று வரும் சபா மாநிலத் தேர்தலில், பல தொகுதிகளில் கூடுதல் வாக்குப் பெட்டிகள் பயன்படுத்துவதாக தேர்தல் ஆணையம் அறிவித்துள்ளது.
7 முதல் 12 வேட்பாளர்களைக் கொண்டு பல்முனைப் போட்டி நடைபெறும் தொகுதிகளில், 450 வாக்காளர்களுக்கும் மேல் இருந்தால், இரண்டு வாக்குப் பெட்டிகள் அவசியம் என்று தேர்தல் ஆணைய பொதுச் செயலாளர் டத்தோ கைருல் ஷாரில் தெரிவித்துள்ளார்.
அதே வேளையில், 13 முதல் 14 வேட்பாளர்களைக் கொண்டு, பல்முனைப் போட்டி நடைபெறும் இடங்களில், 450 வாக்காளர்களுக்கும் மேல் இருந்தால், மூன்று வாக்குப் பெட்டிகள் அவசியம் என்றும் அவர் குறிப்பிட்டுள்ளார்.
இன்று காலை 7.30 மணி முதல், 882 வாக்களிப்பு மையங்களில், 17-ஆவது சபா மாநில சட்டமன்ற தேர்தலுக்கான வாக்களிப்பு நடைபெற்று வருகின்றது.
1.74 மில்லியன் தகுதி பெற்ற வாக்காளர்கள் தங்களது வாக்குகளைச் செலுத்துவார்கள் என எதிர்பார்க்கப்படுகின்றது.
