நெகிரி செம்பிலான் மாநிலத்தில், பதவி நீக்கம் செய்யப்பட்ட 10 மாநில ஆட்சிக்குழு உறுப்பினர்களும் தங்களது நியமனங்கள் ரத்து செய்யப்பட்டதை எதிர்த்து தொடர்ந்திருந்த சட்டப் போராட்டம் முடிவுக்கு வந்துள்ளது.
மாநில மந்திரி பெசார் இஸ்மாயில் லாசிம் பதவி விலகியதாக நேற்று வெளியான தகவலைத் தொடர்ந்து, அந்த 10 பேரும் தங்களது வழக்கைத் திரும்பப் பெற்றுக் கொண்டனர்.
இந்நிலையில், 10 பேரும் வழக்கை திரும்பப் பெற்றதன் காரணமாக, வழக்குச் செலவாக 48 ஆயிரம் ரிங்கிட்டை எதிர்தரப்பினருக்கு வழங்க வேண்டுமென சிரம்பான் உயர்நீதிமன்றம் உத்தரவிட்டுள்ளது.
அதேவேளையில் நீதிபதி ரோஸ் மாவார் ரொஸாயின், இந்த வழக்கை மீண்டும் தொடர அனுமதியின்றி தள்ளுபடி செய்து உத்தரவிட்டுள்ளார்.
மேலும், வழக்குத் தொடர்ந்த 10 ஆட்சிக் குழு உறுப்பினர்களும், மாநிலச் செயலாளர் ஸாஃபிர் இப்ராஹிம் மற்றும் நெகிரி செம்பிலான் மாநில அரசாங்கத்திற்கு தலா 20 ஆயிரம் ரிங்கிட் வழங்க வேண்டும் என்றும், டிகேயு எனப்படும் டேவான் கெஅடிலான் டான் உண்டாங் அமைப்புக்கு கூடுதலாக 8,000 ஆயிரம் ரிங்கிட் வழங்க வேண்டும் என்றும் நீதிபதி உத்தரவிட்டுள்ளார்.








