பாஸ் தலைவர் ஹாடி அவாங், ஜசெக கட்சியை விமர்சிப்பதற்கு முழு உரிமை உண்டு. ஆனால், அந்த விமர்சனம் அவதூறு பரப்புவதாகவோ அல்லது இன, சமய உணர்வுகளைத் தூண்டுவதாகவோ இருக்கக்கூடாது என்று பெந்தோங் எம்பி யாங் ஷேஃபுரா வலியுறுத்தியுள்ளார்.
கருத்து சுதந்திரம் அனைவருக்கும் உரியது என்றாலும், ஆதாரமற்ற குற்றச்சாட்டுகள் மற்றும் மக்களிடையே வெறுப்பை ஏற்படுத்தும் பேச்சுகள் ஏற்றுக் கொள்ளப்பட முடியாது என்றும் அவர் தெரிவித்துள்ளார்.
அரசியல் கருத்து வேறுபாடுகளை நாகரிகமான முறையில் விவாதிக்க வேண்டும்; இன மற்றும் சமய உணர்வுகளை அரசியல் லாபத்திற்காக பயன்படுத்தக்கூடாது என்றும் அவர் கூறினார்.
