மலாக்கா மாநிலத் தேர்தலில் பெம்பான் சட்டமன்றத் தொகுதியில் ஜசெக போட்டியிடாது என்று அக்கட்சியின் பொதுச் செயலாளர் அந்தோணி லோக் தெரிவித்துள்ளார். அத்தொகுதியில் வெற்றி பெறுவதற்கான வாய்ப்பு குறைவாக இருப்பதால் இந்த முடிவு எடுக்கப்பட்டதாக அவர் கூறினார்.
2021ஆம் ஆண்டு மாநிலத் தேர்தலில் பெம்பான் தொகுதியில் ஜசெக மூன்றாவது இடத்தையே பிடித்தது. வெற்றி பெறாத மற்ற தொகுதிகளில் அக்கட்சி இரண்டாவது இடத்தைப் பெற்றிருந்ததாக மலாய் நாளேடு ஒன்று செய்தி வெளியிட்டுள்ளது.
இம்முறை ஜசெக போட்டியிடும் ஏழு தொகுதிகளில், ஏற்கெனவே வசமுள்ள நான்கு தொகுதிகளைத் தக்கவைத்துக் கொள்வதற்கு முன்னுரிமை அளிக்கப்படும் என்றும், கட்சியின் வளங்களையும் தேர்தல் பணிகளையும் வெற்றி வாய்ப்புள்ள தொகுதிகளை ஒருமுகப்படுத்தவே இந்த முடிவு எடுக்கப்பட்டதாகவும் அந்தோணி லோக் தெரிவித்தார்.
