சிலாங்கூர், பினாங்கு, நெகிரி செம்பிலான், கெடா, திரெங்கானு, கிளந்தான் ஆகிய ஆறு மாநிலங்களுக்கான சட்டமன்றத் தேர்தல் வாக்களிப்பு இன்று காலை 8 மணிக்கு தொடங்கிய வேளையில் வாக்களிப்பு விறுவிறுப்பாக நடைபெறுவதாக தெரிவிக்கப்பட்டுள்ளது. 96 லட்சத்து 70ஆயிரம் பேர் வாக்களிக்கவிருக்கும் இத்தேர்தலுக்காக 3,190 வாக்குச்சாவடிகள் காலையில் திறக்கப்பட்டு மாலை 6 மணிக்கு மூடப்படவிருக்கின்றன.
மதியம் 12 மணி வரையில் 30 விழுக்காட்டிற்கும் அதிகமான வாக்குகள் பதிவாகியிருப்பதாக தேர்தல் ஆணையம் கூறுகிறது. மதியம் 12 மணி வரையில் 6 மாநிலங்களுக்கான வாக்களிப்பு எவ்வித அசாம்பாவிதமின்றி சுமூகமாக நடைபெற்று வருவதாக போலீஸ் படைத் துணைத் தலைவர் டத்தோஸ்ரீ அயோப் கான் மைடின் பிச்சை தெரிவித்துள்ளார். அனைத்து வாக்கு மையங்களிலும் நடப்பு நிலை கட்டுப்பாட்டில் இருப்பதாக அவர் தெரிவித்துள்ளார்.
6 மாநிலங்களின் தேர்தலில் 245 தொகுதிகளில் 572 வேட்பாளரகள் போட்டியிடுகின்றனர்.
ஒன்பது அரசியல் கட்சிகள் மற்றும் 41 சுயேட்சைகள் இத்தேர்தலில் போட்டியிட்டாலும் இது பக்காத்தான் ஹராப்பான் - பாரிசான் நேஷனல் கூட்டணிக்கும், பெரிக்காத்தான் நேஷனலுக்கும் இடையில் நிலவும் பலப்பரீட்சையாகவே கருதப்படுகிறது. முதல் தேர்தல் முடிவு இரவு 8 மணிக்கு வெளியாகும் என்று எதிர்பார்க்கப்படுகிறத.
6 மாநிலங்களுக்கான சட்டமன்றத் தேர்தல் வாக்களிப்பு விறுவிறுப்பாக நடைபெறுகிறது
இந்த செய்தியை பகிருங்கள்
Share this story with your friends and family
தொடர்புடைய செய்திகள்/ Related News
View all in அரசியல் →
அபு பக்காருடன் பேச்சு வார்த்தை நடத்த பெரிக்காத்தான் நேஷனல் முடிவு
சரவாக் சட்டமன்றம் வரும் திங்கட்கிழமை கலைப்பு: 60 நாட்களுக்குள் மாநிலத் தேர்தல்!
பெரிக்காத்தான் நேஷனல் பதிவை ரத்து செய்யும் உத்தரவுக்குத் தடையா? : ஆர்ஓஎஸ் மேல்முறையீடு
சரவாக் மாநில சட்டமன்றம் கலைக்கப்படுவதற்கான முக்கிய அறிவிப்பு: இன்று பிற்பகலில் வெளியிடுகிறார் அபாங் ஜொஹாரி
மலாக்கா மாநிலத் தேர்தல்: பாரிசான் நேஷனல் பிரசார இயக்குநராக அப்துல் ரவூஃப் யுசோ நியமனம்
