கூட்டரசு அரசுத் தரப்பு வழக்கறிஞர் அலுவலகம், நெகிரி செம்பிலான் மந்திரி பெசார் விவகாரத்தில் முடிவெடுக்கத் தாமதிப்பது ஏன் என ஜசெக நாடாளுமன்ற உறுப்பினர் ஒருவர் கேள்வி எழுப்பியுள்ளார்.
மாநில ஆட்சியாளரைப் பதவி நீக்கம் செய்யக் கோரும் பிரகடனத்தில் கையெழுத்திட மந்திரி பெசார் இஸ்மாயில் லாசிம் வற்புறுத்தப்பட்டதாகக் கூறப்படும் விவகாரம் தொடர்பில் இந்தக் கேள்வி எழுப்பப்பட்டுள்ளது.
ராசா நாடாளுமன்ற உறுப்பினர் சா கீ சின், செப்டம்பர் 29ஆம் தேதி போலீஸ் துறை விசாரணை அறிக்கையை அரசுத் தரப்பு வழக்கறிஞர் அலுவலகத்திடம் சமர்ப்பித்தும், அக்டோபர் 21ஆம் தேதி வரை எந்த முடிவும் அறிவிக்கப்படவில்லை என்றார்.
இதற்கிடையில், நான்கு பேரிடம் வாக்குமூலம் பதிவு செய்யப்பட்டுள்ளதாகவும், விசாரணை அறிக்கை இன்னும் ஏஜிசி அலுவலகத்தின் பரிசீலனையில் இருப்பதாகவும் உள்துறை அமைச்சர் சைஃபுடின் நசுத்தியோன் இஸ்மாயில் தெரிவித்துள்ளார்.
