நவம்பர் 14-ஆம் தேதி நடைபெறவுள்ள மலாக்கா மாநிலத் தேர்தலில் தேசிய முன்னணி வெற்றி பெற்று ஆட்சியமைத்தால், பெரிக்காத்தான் நேஷனல் பிரதிநிதிகளுக்கும் மாநில ஆட்சிக்குழுவில் பொறுப்புகள் வழங்கப்படும் என பாரிசான் நேஷனல் தலைவர் டத்தோ ஸ்ரீ அஹ்மாட் ஸாஹிட் ஹாமிடி தெரிவித்துள்ளார்.
இரு கூட்டணிகளுக்கும் இடையே எட்டப்பட்ட தேர்தல் ஒத்துழைப்பு ஒப்பந்தத்தின் அடிப்படையில் இந்த முடிவு எடுக்கப்பட்டுள்ளதாக அவர் குறிப்பிட்டுள்ளார்.
மேலும், இதே அணுகுமுறையானது நெகிரி செம்பிலான் மாநிலத்திலும் பின்பற்றப்பட்டதையும் ஸாஹிட் சுட்டிக் காட்டியுள்ளார்.
இதனிடையே, தேர்தலில் வெற்றி பெறும் பெரிக்காத்தான் வேட்பாளர்களுக்கு மட்டுமே மாநில அரசாங்கத்தில் இடமளிக்கப்படும் என்பதையும் ஸாஹிட் தெளிவுபடுத்தியுள்ளார்.
அதேவேளையில், தேர்தல் வெற்றிக்குப் பின்னர் இரு கூட்டணிகளும் இணைந்து மாநில நிர்வாகத்தில் செயல்பட வாய்ப்புள்ளதாகக் கருதப்படுகிறது.
மலாக்கா தேர்தலில் பாரிசான் மற்றும் பெரிக்காத்தான் நேஷனல் இடையிலான ஒத்துழைப்பு, மாநிலத்தில் ஆட்சியமைப்பதற்கான இரு தரப்பின் கூட்டு முயற்சியாக அமைந்துள்ளது.
அதன் அடிப்படையில், பாரிசான் நேஷனல் ஆட்சியமைத்தால், தேர்தலில் வெற்றி பெற்ற பெரிக்காத்தான் நேஷனல் பிரதிநிதிகளும் மாநில ஆட்சியில் பங்கெடுப்பார்கள் என்பதை ஸாஹிட் மீண்டும் வலியுறுத்தியுள்ளார்.
