பக்காத்தான் கூட்டணிக்கு ஆதரவு நல்குவீர்

ஆறு மாநிலங்களில் நாளை நடைபெறும் சட்ட​மன்றத் தேர்தலில் பக்காத்தான் ஹராப்பான் - பாரிசான் நேஷனல் சார்பில் போட்டியி​டும் வேட்பாளர்களை ஆதரித்து வெற்றி பெறச் செய்யுமாறு மலா​ய்க்காரர் தொகுதிகளில் உள்ள வாக்காளர்களை பிரதமர் டத்தோஸ்ரீ அன்வார் இப்ராஹிம் கேட்டுக்கொண்டார். இதுவரையில் தாங்கள் மேற்கொண்ட ஆய்வில் ​சீனர்கள் தொகுதிகளில் உள்ள வாக்காளர்கள் பக்காத்தானையும் பாரிசானையும் ஆதரிப்பார்கள் என்று உத்தரவாதம் கிடைத்து விட்டது. தற்போது மலாய்க்காரர்​ தொகுதிகளில் உள்ள வாக்காளர்களின் ஆதரவுதான் தங்க​ளுக்கு தேவைப்படுவதாக பக்காத்தான் ஹராப்பான் தலைவருமான டத்தோஸ்ரீ அன்வார் குறிப்பிட்டார். இன்று பினாங்கு,பாலிக் புலாவ், ஜாலான் சுங்கை பினாங் கில் தேர்தல் பிரச்சாரத்தில் ஈடுபட்ட டத்தோஸ்ரீ அன்வார், இந்த கோரிக்கையை விடுத்தார்.