மலாக்கா மாநிலத் தேர்தலில் காடேக் சட்டமன்றத் தொகுதியில் பக்காத்தான் ஹராப்பான் சார்பில் ஜனநாயகச் செயல் கட்சி வேட்பாளராக முதன்முறையாகக் களமிறங்கியுள்ள கே. ஜெகசீலன் தொகுதி மக்களின் பொருளாதார முன்னேற்றத்திற்கும் வேலைவாய்ப்பு உருவாக்கத்திற்கும் முக்கியத்துவம் அளிக்கப் போவதாகத் தெரிவித்துள்ளார்.
குறிப்பாக காடேக் சட்டமன்ற உறுப்பினராக தாம் தேர்வு செய்யப்படுவது மூலம் தொகுதியில் வேலைவாய்ப்பு குறிப்பாக, வேலைவாய்ப்புத் தேடி வெளியூர்களுக்கும் வெளிநாடுகளுக்கும் செல்லும் நிலையை மாற்றுவதுடன், பயன்படுத்தப்படாமல் கிடக்கும் நிலங்களை விவசாயம் மற்றும் கால்நடை வளர்ப்புத் திட்டங்களுக்குப் பயன்படுத்தி உள்ளூர் பொருளாதாரத்தை வலுப்படுத்த வேண்டும் என அவர் வலியுறுத்துகிறார்.
மேலும், கல்வியையும் தனது முக்கிய முன்னுரிமைகளில் ஒன்றாக அவர் குறிப்பிட்டுள்ளார்.
அதேவேளையில், காடேக் தொகுதியின் பொருளாதார வளர்ச்சியை உள்ளூரிலேயே உருவாக்கி, மக்களுக்கு வேலைவாய்ப்பையும் வருமான வாய்ப்புகளையும் அதிகரிப்பதே ஜெகசீலன் முன்னெடுக்கும் பிரதான திட்டமாகும் என்று திசைகளுக்கு அளித்த பேட்டியில் விளக்கினார்.
