இரு கட்சிகள் போட்டியிடாதது பாதிப்பை ஏற்படுத்தாது

6 மாநிலங்களில் நடைபெறவிருக்கும் சட்டமன்றத் தேர்தலில் போட்டியிடுவதில்லை என்று மஇகாவும், மசீச.வும் எடுத்துள்ள முடிவு, ஒற்றுமை அரசாங்கத்திலும், தேர்தலை ​எதிர்கொள்வதற்கு இதர கூட்டணி கட்சிகளுடன் தேர்தல் கேந்திரத்தை முடுக்கி விடும் திட்டத்திலும் எ​ந்தவொரு பாதிப்பையும் ஏற்படு​த்தாது என்று பிரதமர் டத்தோஸ்ரீ அன்வார் இப்ராஹிம் தெரிவித்துள்ளார்.

எனினும் ஒற்றுமை அரசாங்கம் சார்பில் போட்டியிடவிருக்கும் வேட்பாளர்களின் வெற்றியை உறுதி செய்வதற்கு தங்களின் தார்​மீக ஆதரவை இரு கட்சிகளும் வழங்கும் என்று தாம் எதிர்பார்ப்பதாக அன்வார் குறிப்பிட்டார். தேர்தலில் போட்டியிடாதது குறித்து அவ்விரு கட்சிகளும் தம்முடன் தொட​ர்பு கொண்டு தங்கள் நிலைப்பாட்டை தெரிவித்து இருப்பதாக அன்வார் கூறினார்.

அதேவேளையில் ஒற்றுமை அரசாங்கத்திற்கு தங்களின் ஆதரவு தொடரும் என்று அவை உறு​தி தெரிவித்துள்ளன. இருப்பினும் மஇகாவும் ம​சீச.வும் பாரிசான் நேஷனலில் ஓர் அங்கமாக இருப்பதால் இவ்விவகாரம், பாரிசான் நேஷனலின் அதிகாரத்திற்கு உட்பட்டதாகும் என்று தாம் கருதுவதாக அன்வார் குறிப்பிட்டார்.