ஜோகூர் பாரு, ஜூலை.11-
ஜோகூர் மாநிலத் தேர்தலில், ராணுவ வீரர்களின் முன்கூட்டிய வாக்குகள் பாரிசான் நேஷனல் கூட்டணியின் பெரும் வெற்றிக்கு வழி வகுத்துள்ளன. குறிப்பாக, ராணுவத்தினர் அதிகம் உள்ள மஹ்கோத்தா (Mahkota) மற்றும் ஜோகூர் ஜெயா (Johor Jaya) ஆகிய தொகுதிகளில் பாரிசான் நேஷனல் அமோக வெற்றி பெற்றுள்ளது.
வாக்கு எண்ணிக்கையின்படி, பாரிசான் நேஷனல் 3,465 வாக்குகளைப் பெற்று மிக வலுவான முன்னிலையைப் பெற்றுள்ளது. இதனை எதிர்த்துப் போட்டியிட்ட பக்காத்தான் ஹராப்பான் 302 வாக்குகளையும், பார்ட்டி பெர்சாமா மலேசியா 64 வாக்குகளையும் மட்டுமே பெற்றுள்ளன. ராணுவ வீரர்கள் வாக்களித்த அனைத்துப் பிரிவுகளிலும் பாரிசான் நேஷனல் கூட்டணி மிகப் பெரிய வாக்கு வித்தியாசத்தில் வென்றுள்ளதாக அம்னோ பொதுச் செயலாளர் டத்தோ டாக்டர் அஷ்ரப் வஜ்டி டுசுகி மகிழ்ச்சி தெரிவித்துள்ளார்.
