வெள்ளிக்கிழமை பேச்சுவார்த்தை நடத்தப்படும் - அஸாலினா

இனம், மதம் மற்றும் ஆட்சியாளர் சம்பந்தப்பட்ட 3 ஆர் விவகாரங்களைச் சமாளிப்பதற்கு நடப்பு சட்டத்தை மறு ஆய்வு செய்வது உட்பட அதற்காக பு​திய சட்டத்தை உருவாக்க வேண்டிய அவசியம் குறித்து அரசாங்கம் நாளை மறுநாள் ஜுன் 21 ஆம் தேதி வெள்ளிக்கிழமை பல்வேறு தரப்பினருடன் பேச்சுவார்த்தை நடத்தவிருப்பதாக சட்டத்துறை அமைச்சர் டத்தோஸ்ரீ அசாலினா ஓத்மான் சைட் தெரிவித்துள்ளார்.

3 ஆர் விவகாரங்களை வேண்டுமென்றே பேசி வரும் தரப்பினரைச் சமாளிப்பதற்கு இந்த பேச்சுவார்த்தை அவசியமாகும் என்று அமைச்சர் குறிப்பிட்டார். கோலாலம்பூர் ஆசிய அனைத்துலக நடுவர் மையத்தில் நடைபெறும் இந்த பேச்சுவார்த்தையில் மலேசிய வழக்கறிஞர் மன்றம், நிபுணத்துவ அமைப்புகள், அமலாக்கப்பிரிவின​ர்,ச​மூக சிவில் அமைப்புகள், அரசாங்க சார்பற்ற அமைப்புகள் ஆகியவை இடம் பெற்றிருக்கும் என்று அசாலினா தெரிவித்தார்.

நடப்பில் உள்ள 1948 ஆம் ஆண்டு தேச நிந்தனைச் சட்டம், 1998 ஆம் ஆண்டு தொடர்பு, பல்​லூடகச் சட்டம் போன்றவற்றை மறுமதிப்பீடு செய்வது, இந்த பேச்சுவார்த்தையில் முக்கியமாக கருத்தில் கொள்ளப்படும் என்று அமைச்சர் விளக்கினார்.