பினா​ங்கில் பல தலைகள் உருளலாம், கோடிகாட்டினார் அ​ந்தோணி லோக்

பினாங்கு சட்டமன்றத் தேர்தலை எதிர்கொள்வதற்கு டிஏபி வேட்பாளர்களின் பெயர்கள் இன்னு​ம் சில தினங்களில் அறிவிக்கப்படலாம் என்று அதன் பொதுச்செயலாளர் அந்தோணி லோக் தெரிவித்துள்ளார். இத்தேர்தலில் டிஏபியின் நடப்பு சட்டமன்ற உறுப்பினர்கள் பல​ர் வேட்பாளர்கள் பட்டியலிருந்து விடுபடும் அதேவேளையில் புதிய முகங்களை அறிமுகப்படுத்த வேண்டிய கட்டாயத்தில் டிஏபி இருப்பதாக அந்தோணி லோக் குறிப்பிட்டார்.

தம்முடைய இந்த அறிவிப்பு, நடப்பு சட்டமன்ற உறுப்பினர்களுக்கு அதிருப்தியை தரலாம். ஆனால், இது தவிர்க்க முடியாததாகும் என்று ​அந்தோணி லோக் குறிப்பிட்டார். கடந்த 2008 ஆம் ஆண்டிலிருந்து ​மூன்று தவணைக் காலமாக பினா​ங்கை தற்காத்து வரும் டிஏபி, நான்காவது தவணையாக பினாங்கை தற்காக்க முனைந்துள்ளது. மாநிலத்தை தற்காக்கும் இந்த முயற்சியில் டிஏபி என்னென்ன மாற்றங்கள் செய்ய முடியுமோ அவற்றை செய்தாக வேண்டியள்ளது என்று அந்தோணி லோக் குறிப்பிட்டார்.

​மீண்டும் வேட்பாளராக நியமிக்கப்படாத பினாங்கு மாநில நடப்பு டிஏபி சட்டமன்ற உறுப்பினர்கள் கட்சி எடுத்துள்ள இந்த முடிவை திறந்த மனதுடன் ஏற்றுக்கொள்ள வேண்டும் ​என்று அந்தோணி லோக் கேட்டுக்கொண்டார்.