கோலா பிலா, ஆகஸ்ட்.02-
நெகிரி செம்பிலான் மாநிலத்தின் புதிய ஆட்சிக் குழு உறுப்பினர்கள் பட்டியல் வரும் ஆகஸ்ட் 7-ஆம் தேதிக்குள் இறுதி செய்யப்படும் என்று மாநில மந்திரி பெசார் டத்தோ இஸ்மாயில் லாசிம் தெரிவித்துள்ளார்.
இதற்காக அம்னோ மற்றும் பாரிசான் நேஷனல் தலைவர்களுடன் ஆலோசனை நடத்தவுள்ளதாகவும், பின்னர் மாநில ஆட்சியாளர் Yang di-Pertuan Besar Tuanku Muhriz Tuanku Munawir-இன் ஒப்புதலுக்காக பட்டியல் சமர்ப்பிக்கப்படும் என்றும் அவர் குறிப்பிட்டுள்ளார்.
மேலும், புதிய ஆட்சிக் குழு உறுப்பினர்கள் பட்டியலில் பாரிசான் நேஷனல் மற்றும் பெரிகாத்தான் நேஷனல் ஆகிய இரு கூட்டணிகளின் சட்டமன்ற உறுப்பினர்களும் இடம்பெறுவார்கள் என்றும் இஸ்மாயில் லாசிம் தெரிவித்துள்ளார்.
நேற்று ஆகஸ்ட் 1-ஆம் தேதி நடைபெற்று முடிந்த மாநிலத் தேர்தலில் பாரிசான் நேஷனல் 25 தொகுதிகளிலும், பெரிகாத்தான் நேஷனல் 11 தொகுதிகளிலும் வெற்றி பெற்றது குறிப்பிடத்தக்கது.
