கோலாலம்பூர், நவ.5-
மருத்துவம், தொழில்நுட்பம் உள்ளிட்ட பல்வேறு துறைகளில் நிபுணத்துவம் பெற்ற 18 லட்சத்து 60 ஆயிரம் மலேசியர்கள், சிறந்த வேலை வாய்ப்புகளை தேடி உலகெங்கிலும் உள்ள வெளிநாடுகளுக்கு குடிபெயர்ந்துள்ளதாக மனித வள அமைச்சர் ஸ்டீவன் சிம் தெரிவித்துள்ளார்.
குடிபெயர்வுக்கான அனைத்துலக அமைப்பான ஐ.ஓ.எம். மின் 2022 ஆம் ஆண்டு தரவுகள் அடிப்படையில் இது தெரியவந்துள்ளதாக இன்று நாடாளுமன்றத்தில் ஸ்டீவன் சிம் குறிப்பிட்டார்.
மலேசியாவின் மொத்த மக்கள் தொகையில் 5.6 விழுக்காட்டினர் வெளிநாடுகளில் குடிபெயர்வுக்கான விகிதத்தை பதிவு செய்துள்ளதாக அது தெரிவித்துள்ளது என்று எழுத்துப்பூர்வமான கேள்விக்கு பதில் அளிக்கையில் ஸ்டீவன் சிம் இதனை தெரிவித்துள்ளார்.
