மக்களுக்கு சிறந்த சேவையை வழங்குவேன்

நெகிரி செம்பிலான், பகாவ் சட்டமன்றத் தொகுதியில் தம்மை ஆதரித்து, வெற்றிப்பெற செய்வதன் மூலம் குழிகள் அல்லாத சாலைகள், பிரகாசமான தெருவிளக்குகள் மற்றும் சுத்தமான வடிகால் போன்ற கட்டமைப்பு வசதிகள், தொகுதியில் மேம்படுத்தப்படும் என்று பகாவ் சட்டமன்றத் தொகுதியில் டிஏபி சார்பில் பக்காத்தான் ஹாராப்பன் வேட்பாளராக போட்டியிடும் தியோ கோக் சியோங் உறுதி அளித்துள்ளார்.

தவிர, வெள்ளப் பிரச்னையை சமாளிக்க வடிகால், நீர்ப் பாசன முறை மேம்படுத்தப்படும் என்று தியோ கோக் சியோங் கூறினார்.

பகாவ் - வில் பல வெள்ள்ப் பேரிடர் ஏற்படும் இடங்கள் அடையாளம் காணப்பட்டு, தாமான் சாட்டிலைட், பகாவ் ரூமா ராக்யாட், தாமான் ராசா சயாங் போன்ற இடங்கள் திடீர் வெள்ள அபாய பகுதிகளாக கண்டறியப்பட்டுள்ளன என்று தியோ கோக் சியோங் குறிப்பிட்டார்.

அடுத்த 5 ஆண்டுகளில் பகாவ் பகுதியில் ஏற்படும் திடீர் வெள்ளப் பிரச்னையைத் தீர்க்க ஒரு கோடியே 33 லட்சத்து 50 ஆயிரம் வெள்ளியை ஒதுக்கீடு செய்ய தாம் விண்ணப்பித்துள்ளதாக தியோ கோக் சியோங் தெரிவித்தார்.