பினா​ங்கில் ஒற்றுமை வேட்பாளர்கள் என்று அழைக்கப்படுவர்

பினாங்கு சட்டமன்றத் தேர்தலில் 40 ​தொகுதிகளிலும் தனது ​வேட்பாளர்களை களம் இறக்கியுள்ள பக்காத்தான் ஹராப்பான் - பாரிசான் நேஷனல் கூட்டணி, தனது வேட்பாளர்களை, ஒற்றுமை வேட்பாளர்கள் என்று அழைக்கும் என்று மாநில முதலமைச்சரும், பக்காத்தான் ஹராப்பான் மாநில தலைவருமான சௌ கோன் இயோவ் தெரிவித்துள்ளார். இதன் தொடர்பில் வரும் ஆகஸ்ட் முதல் தேதி 40 தொகுதிகளின் வேட்பாளர்களின் அறிமுகம் நடைபெறவிருப்பதாக சௌ கோன் இயோவ் குறிப்பிட்டார். அதேவேளையில் அன்றைய தினம் பக்காத்தான் ஹராப்பான் - பாரிசான் நேஷனல் கூட்டணி தேர்தல் கொள்கை அறிக்கை வெளியிடப்படும் ​என்று பினாங்கு பாடாங் கோத்தா சட்டமன்றத் தொகுதியை தற்காத்துக்கொள்வதற்கு வேட்புமனுத்தாக்கல் செய்துள்ள சௌ கோன் இயோவ் தெரிவித்தார்.