மலாக்கா மாநிலத் தேர்தலில் பாரிசான் நேஷனல், பெரிக்காத்தான் நேஷனல் கூட்டணி பெற்ற வெற்றிக்கு இரு தரப்பினருக்கும் இடையிலான திட்டமிட்ட மற்றும் கட்டமைக்கப்பட்ட ஒத்துழைப்பே முக்கியக் காரணம் என பெரிக்காத்தான் நேஷனல் பொதுச் செயலாளர் தக்கியுடின் ஹசான் தெரிவித்துள்ளார்.
இத்தேர்தலில் இரு கூட்டணிகளும் மத்திய, மாநில அளவுகளில் ஒருங்கிணைப்புக் குழுக்களை அமைத்து தேர்தல் பணிகளை முன்னெடுத்ததாக அவர் கூறினார்.
மேலும், இரு தரப்பினரும் இணைந்து தேர்தல் கொள்கை அறிக்கையையும் வெளியிட்டது அரசியல் புரிந்துணர்வை வலுப்படுத்தியதாகக் குறிப்பிட்டார்.
தேர்தல் முடிவுகளில் நீல நிறம் பெரும்பாலான தொகுதிகளில் ஆதிக்கம் செலுத்தியதையும், பக்காத்தான் ஹராப்பான் நான்கு தொகுதிகளில் மட்டுமே வெற்றி பெற்றதையும் சுட்டிக் காட்டிய அவர், பாரிசான் நேஷனல், பெரிக்காத்தான் நேஷனல் ஒத்துழைப்பு சிறந்த வெற்றிச் சூத்திரம் என வர்ணித்தார்.
