மலாக்கா மாநிலத் தேர்தலில் வாக்களிக்கும் நடைமுறைகளை நேரில் பார்வையிட, ஆசிய பெண் நாடாளுமன்ற உறுப்பினர்கள் குழுவைச் சேர்ந்த 20 பேர் கொண்ட குழு இன்று மலாக்காவுக்கு வருகை தந்தது.
நாடாளுமன்றப் பொதுக் கணக்குக் குழுத் தலைவர் மாஸ் எர்மியாத்தி சம்சுடின் தலைமையில் நடைபெற்ற இந்தப் பயணம், கோலாலம்பூரில் நவம்பர் 12 முதல் நடைபெற்ற ஆசிய பெண் நாடாளுமன்ற உறுப்பினர்கள் குழுவின் 2026ஆம் ஆண்டு கூட்டத்தின் ஒரு பகுதியாக அமைந்தது.
பிலிப்பைன்ஸ், தைவான், தென்கொரியா, ஜப்பான், நேபாளம், இலங்கை, பாகிஸ்தான், இந்தியா, திமோர் லெஸ்தே, மாலத்தீவு உள்ளிட்ட நாடுகளைச் சேர்ந்த பெண் நாடாளுமன்ற உறுப்பினர்கள் இதில் பங்கேற்றனர்.
மலாக்காவின் பல்வேறு வாக்குச்சாவடிகளுக்குச் சென்ற அவர்கள், குறிப்பாகப் பெண் வேட்பாளர்கள் போட்டியிடும் தொகுதிகளில் தேர்தல் நடைமுறைகளையும் வாக்குப்பதிவு சூழலையும் பார்வையிட்டனர்.
இந்நிகழ்ச்சி அரசியல் கட்சி வேறுபாடுகளைக் கடந்து பெண்களின் தலைமைத்துவத்தையும் நாடாளுமன்ற ஒத்துழைப்பையும் வலுப்படுத்தும் முயற்சி என மாஸ் எர்மியாத்தி தெரிவித்தார்.
