மலாக்கா மாநிலத் தேர்தல் தொடர்பாக மேற்கொள்ளப்பட்ட 32 விசாரணைக் கோப்புகளை காவல்துறை சட்டத்துறைத் தலைவரின் அலுவலகத்திடம் ஒப்படைத்துள்ளது.
தேர்தல் பிரசாரத்தின் 14 நாட்களில் கொடிகள் கிழிக்கப்பட்டது, எரிக்கப்பட்டது மற்றும் சிலரின் உரைகளில் தேசநிந்தனை அம்சங்கள் இடம் பெற்றதாக எழுந்த புகார்கள் உள்ளிட்ட விவகாரங்கள் தொடர்பாக மொத்தம் 42 காவல்துறை புகார்கள் பெறப்பட்டதாக தேசிய காவல்துறைத் தலைவர் டான் ஶ்ரீ முஹமட் காலிட் இஸ்மாயில் தெரிவித்தார்.
மலாக்கா, ஆயர் குரோவில் செய்தியாளர்களிடம் பேசிய அவர், விசாரணைகள் எந்தவோர் அரசியல் கட்சிக்கும் சார்பின்றி தொழில்முறையாக மேற்கொள்ளப்பட்டுள்ளதாகக் குறிப்பிட்டார்.
மேலும், சர்ச்சைக்குரிய அரசியல் உரை தொடர்பான விசாரணையும் முடிக்கப்பட்டு சட்டத்துறைத் தலைவரின் அலுவலகத்திடம் ஒப்படைக்கப்பட்டுள்ளதாகவும், சம்பந்தப்பட்ட நபரிடம் வாக்குமூலம் பதிவு செய்யப்படும் என்றும் அவர் தெரிவித்தார்.
