அடுத்த மாதம் நடைபெறவிருக்கும் பினாங்கு சட்டமன்றத் தேர்தலில் போட்டியிடவிருக்கும் டிஏபி வேட்பாளர்களின் பெயர் பட்டியல் இன்று வெளியிடப்பட்டது. மாநிலத்தில் உள்ள 40 தொகுதிகளில் டிஏபி 19 இடங்களில் போட்டியிடுகிறது.
இதில் பினாங்கு துணை முதலமைச்சர் டாக்டர் P. இராமசாமி மற்றும் சதிஷ் முனியாண்டி உட்பட 7 சட்டமன்ற உறுப்பினர்களுக்கு மீண்டும் போட்டியிட வாய்ப்பு வழங்கப்படவில்லை. டாக்டர் இராமசாமி, கடந்த மூன்று தவணைக்காலம் தற்காத்து வந்த பிறை சட்டமன்றத் தொகுதியில் ஏக்கோ வெல் டிவோலோப்மன் குருப் பிஆர்ஃபட் டின் முன்னாள் துணை தலைமை நிர்வாக அதிகாரி டத்தோஸ்ரீ எஸ். சுந்தரராஜு போட்டியிடுகிறார்.
அதேவேளையில் டாக்டர் இராமசாமியின் உதவியாளரான சதீஷ் முனியாண்டி சட்டமன்ற உறுப்பினராக இருந்த பகான் டாலாம் சட்டமன்றத் தொகுதியில் கே.குமரன் என்ற புதிய வேட்பாளர் நிறுத்தப்பட்டுள்ளார். டிஏபி யின் பலம் பொருந்திய கோட்டையான படாங் கோத்தா வில் பினாங்கு முதலமைச்சர் சௌ கோன் யியோவ் போட்டியிடுகிறார். பினாங்கு மாநில ஆட்சிக்குழு உறுப்பினர் ஜக்டீப் சிங் டியோ, தமது டத்தோ கெராமாட் தொகுதியை தற்காத்துக்கொள்ள மீண்டும் போட்டியிடுகிறார்.
பகான் நாடாளுமன்ற உறுப்பினரும், டிஏபி தலைவருமான லிம் குவான் எங், ஆயிர் புத்தே தொகுதியில் போட்டியிடுகிறார். டிஏபி வேட்பாளர்கள் பெயர் பட்டியலை கட்சியின் பொதுச் செயலாளர் அந்தோணி லோக் இன்று மாலையில் அறிவித்தார்.
19 வேட்பாளர்களில் 15 ஆண்கள் மற்றும் 4 பெண்கள் என்று அந்தோணி லோக் குறிப்பிட்டார்.
Related News
மாச்சாப்பில் புதிய ஆட்சி மாற்றம் மலரும்: அமானா வேட்பாளர் நூர் ஹஃபீஸ் உறுதி
குறைந்த வாக்கு வித்தியாசத்தைப் பற்றிக் கவலையில்லை: ஆர்தர் சியோங் மீண்டும் அதிரடி வெற்றி முழக்கம்
ஜோகூர் மக்களின் வாழ்வாதாரத்தை உயர்த்த மஸ்லீ மாலிக்கின் மாபெரும் சமூக மேம்பாட்டுத் தொலைநோக்கு திட்டம் அறிமுகம்
ஜோகூர் தேர்தல்: கண்ணியமான பிரசாரம் நடத்த ஸாஹிட் ஹாமிடி வலியுறுத்தல்
கோத்தா திங்கியில் பக்காத்தான் ஹராப்பான் கொடி எரிப்பு: ஜனநாயகத்திற்கு எதிரான செயல் என கண்டனம்
