ஜன.3-
முன்னாள் பிரதமர் நஜிப் ரசாக்குக்கு ஆதரவாக PAS கட்சி ஏற்பாடு செய்த கூட்டத்தில் மசீச உறுப்பினர்கள் கலந்து கொள்ள அழைப்பு விடுக்கப்பட்டுள்ளது. இந்த கூட்டம் நீதியையும் உண்மையையும் நிலைநாட்டும் நோக்கத்தில் அமைதியான முறையில் நடைபெறும் என்று மசீச தெரிவித்துள்ளது.
நஜிப் வீட்டுக்காவலில் இருக்க அனுமதிக்கும் என்று கூறப்படும் titah addendum தொடர்பான மேல்முறையீட்டு விசாரணையின் அதே நாளில் இந்த கூட்டம் நடைபெற உள்ளது. நஜிப்பின் தண்டனைக் குறைப்பும்அபராதக் குறைப்பும் ஆகியவை titah addendum உடன் தொடர்புடையவை என்று கூறப்படுகிறது.
ம.இ.கா.வின் துணைத் தலைவர் டத்தோ ஶ்ரீ மு சரவணன் ஆயிரக்கணக்கான கட்சி உறுப்பினர்கள் கூட்டத்தில் கலந்து கொள்வார்கள் என்றும், இது நஜிப்புக்குக் கிடைக்க வேண்டிய நீதிக்கான போராட்டம் என்றும் கூறியுள்ளார். இந்த கூட்டம் கட்சியையும் இனவாத அரசியலையும் தாண்டியது என்றும் அவர் குறிப்பிட்டார்.
இந்த கூட்டம் titah addendum தொடர்பான நீதித்துறை மறுஆய்வு நடவடிக்கைகளில் கவனம் செலுத்தும் என்று PAS கட்சியின் பொதுச் செயலாளர் தக்கியுடின் ஹசன் தெரிவித்துள்ளார். அம்னோ, PAS பெர்சத்து கட்சி உறுப்பினர்கள் உட்பட ஏராளமானோர் இந்தக் கூட்டத்தில் கலந்து கொள்வார்கள் என்று எதிர்பார்க்கப்படுகிறது.
