ஜெம்போல், ஜூலை.21-
நெகிரி செம்பிலான் மாநிலத் தேர்தல் பிரச்சாரத்தில் பக்காத்தான் ஹராப்பான் கூட்டணியின் களப்பணிகள் மிகவும் நேர்த்தியாகவும் திட்டமிட்டபடியும் நகர்ந்து வருகின்றன என்று அமானா கட்சியின் துணைத் தலைவர் Datuk Mahfuz Omar தெரிவித்துள்ளார். அடிமட்ட அளவில் உள்ளூர் தேர்தல் பிரிவினரின் பலத்த ஆதரவோடு இப்பணிகள் சுறுசுறுப்படைந்துள்ளன.
இன்று பண்டார் ஸ்ரீ ஜெம்போலில் உள்ள முக்கிய தேர்தல் செயல்பாட்டு அறையில் செய்தியாளர்களைச் சந்தித்த அவர், ஜோகூர் மாநிலத் தேர்தலை விட நெகிரி செம்பிலானில் தொண்டர்களின் அர்ப்பணிப்பும் தேர்தல் ஏற்பாடுகளும் மிகச் சிறப்பாக உள்ளதாகக் குறிப்பிட்டார்.
ஜோகூர் தேர்தலில் நிலவிய பலவீனங்களைக் கண்டறிந்து, அவற்றை நெகிரி செம்பிலானில் சரிசெய்து தேர்தல் இயந்திரங்கள் முழு வீச்சில் முடுக்கிவிடப்பட்டுள்ளதாக அவர் மேலும் கூறினார். பல தொகுதிகளில் கூட்டணியின் உள்கட்டமைப்பு மற்றும் பிரச்சார உத்திகள் பலப்படுத்தப்பட்டிருப்பது பக்காத்தான் ஹராப்பான் கூட்டணிக்கு கூடுதல் சாதகமாக அமைந்துள்ளது என்று Mahfuz Omar குறிப்பிட்டார்.
