Nov 20, 2026
Thisaigal NewsYouTube

துவாங்கு முஹ்ரிஸ் இனி நெகிரி செம்பிலான் ஆட்சியாளர் இல்லை: மாநில ஆட்சிக் குழு அதிரடி அறிவிப்பு

திசைகள் செய்திப்பிரிவு
Share:
துவாங்கு முஹ்ரிஸ் இனி நெகிரி செம்பிலான் ஆட்சியாளர் இல்லை: மாநில ஆட்சிக் குழு அதிரடி அறிவிப்பு

நெகிரி செம்பிலான் மாநில ஆட்சியாளர் துவாங்கு முஹ்ரிஸ் துவாங்கு முனாவிர் பதவி நீக்கம் செய்யப்பட்டதாக கடந்த ஏப்ரல் மாதம் வெளியிடப்பட்ட பிரகடனம் சட்டபூர்வமானது என மாநில ஆட்சிக் குழு இன்று புதன்கிழமை அறிவித்துள்ளது.

இதனையடுத்து, துவாங்கு நாட்ஸாருடின் துவாங்கு ஜாஃபார், நெகிரி செம்பிலானின் புதிய ஆட்சியாளராக அறிவிக்கப்பட்டுள்ளதாகவும் குறிப்பிட்டுள்ளது.

மேலும், மந்திரி பெசார் டத்தோ இஸ்மாயில் லாசிம் தலைமையில் நேற்று நடைபெற்ற மாநில ஆட்சிக் குழு கூட்டத்தில் இந்த முடிவு எடுக்கப்பட்டது என்றும்,

கடந்த ஏப்ரல் 19-ஆம் தேதி வெளியிடப்பட்ட பதவி நீக்கப் பிரகடனத்தில் முறையாக பதவியில் இருந்த நான்கு உண்டாங் தலைவர்களும் கையெழுத்திட்டு முத்திரையிட்டதாகவும் தெரிவிக்கப்பட்டுள்ளது.

அதேவேளையில், கடந்த ஆகஸ்ட் 3-ஆம் தேதி மந்திரி பெசாரும் கையெழுத்திட்டதன் மூலம் மாநில அரசியலமைப்பின் பிரிவு 10(2)-ன் கீழ் பிரகடனம் முழுமையடைந்ததாகவும் கூறப்பட்டுள்ளது.

மேலும், துவாங்கு நாட்ஸாருடின் துவாங்கு ஜாஃபார் புதிய ஆட்சியாளராக அறிவிக்கப்பட்டதும் அரசியலமைப்புக்கு உட்பட்டது என்றும் ஆட்சிக் குழு தெரிவித்துள்ளது.

இதனிடையே, சிகேயு எனப்படும் உண்டாங் தலைவர்கள் பேரவை கடந்த திங்கட்கிழமை வெளியிட்ட அறிக்கையில், துவாங்கு முஹ்ரிஸ் துவாங்கு முனாவிர் தொடர்ந்து மாநில ஆட்சியாளராகவே இருப்பார் என்றும், அவரை பதவி நீக்கும் சமீபத்திய முயற்சி செல்லாது என்றும் தெரிவித்திருந்தது.

ஏற்கனவே ஏப்ரல் மாதம் நான்கு உண்டாங் தலைவர்கள் துவாங்கு முஹ்ரிஸ் துவாங்கு முனாவிரை பதவி நீக்கியதாக அறிவித்திருந்த நிலையில், இரண்டு மாதங்களுக்குப் பின்னர் துவாங்கு நாட்ஸாருடின் துவாங்கு ஜாஃபார், மலாக்காவில் உள்ள ஐந்து நட்சத்திர ஹோட்டலில் நடைபெற்ற நிகழ்ச்சியில் 12-ஆவது ஆட்சியாளராக அறிவிக்கப்பட்டார்.

மேலும், கடந்த வாரம் துவாங்கு முஹ்ரிஸ் துவாங்கு முனாவிரை பதவி நீக்கும் பிரகடனத்தில் இஸ்மாயில் லாசிம் கையெழுத்திட்டிருந்தார். ஆனால், தாம் கட்டாயப்படுத்தப்பட்டு கையெழுத்திட்டதாகவும், அந்த ஆவணம் செல்லாது என்றும் இஸ்மாயில் லாசிம் கூறியுள்ளார்.

இதனை நான்கு உண்டாங் தலைவர்களின் சார்பில் ஆஜரான வழக்கறிஞர் மறுத்துள்ளார். இதனிடையே, ஆட்சியாளரை பதவி நீக்கும் பிரகடனத்தை மாநில நிர்வாகம் அமல்படுத்த வேண்டும் என வெளியிடப்பட்ட அறிக்கை தொடர்பாக போலீசில் புகார் அளிக்க டிகேயு தனது செயலாளருக்கு உத்தரவிட்டுள்ளது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in அரசியல் →
நெகிரி செம்பிலான் மந்திரி பெசார் பதவியில் நீடிக்க பெரும்பான்மை ஆதரவை நிரூபிக்க வேண்டும்: அரண்மனை அறிவிப்பு

நெகிரி செம்பிலான் மந்திரி பெசார் பதவியில் நீடிக்க பெரும்பான்மை ஆதரவை நிரூபிக்க வேண்டும்: அரண்மனை அறிவிப்பு

இளம் மலாய் வாக்காளர்களை மீண்டும் கவர ஹராப்பானுக்கு வாய்ப்பு

இளம் மலாய் வாக்காளர்களை மீண்டும் கவர ஹராப்பானுக்கு வாய்ப்பு

நெகிரி செம்பிலான் மந்திரி பெசார் பதவி விலகல் சர்ச்சை: மாநில ஆட்சியாளரை அம்னோ ஏமாற்ற முயன்றதா? – ஜசெக தலைவர் கேள்வி

நெகிரி செம்பிலான் மந்திரி பெசார் பதவி விலகல் சர்ச்சை: மாநில ஆட்சியாளரை அம்னோ ஏமாற்ற முயன்றதா? – ஜசெக தலைவர் கேள்வி

நெகிரி செம்பிலான் மாநில அரசியல் சர்ச்சையில் புதிய திருப்பம்: மந்திரி பெசாராக இஸ்மாயில் லாசிம் நீடிக்க ஆட்சியாளர் உத்தரவு

நெகிரி செம்பிலான் மாநில அரசியல் சர்ச்சையில் புதிய திருப்பம்: மந்திரி பெசாராக இஸ்மாயில் லாசிம் நீடிக்க ஆட்சியாளர் உத்தரவு

மலாக்கா மாநிலத்தின் புதிய ஆட்சிக்குழு பதவியேற்பு – 10 சட்டமன்ற உறுப்பினர்கள் உறுதிமொழி ஏற்பு

மலாக்கா மாநிலத்தின் புதிய ஆட்சிக்குழு பதவியேற்பு – 10 சட்டமன்ற உறுப்பினர்கள் உறுதிமொழி ஏற்பு

நெகிரி செம்பிலான் அரசியல் நெருக்கடி – நாளை முக்கிய அறிவிப்பு வெளியாகலாம்

நெகிரி செம்பிலான் அரசியல் நெருக்கடி – நாளை முக்கிய அறிவிப்பு வெளியாகலாம்