Nov 20, 2026
Thisaigal NewsYouTube

நெகிரி செம்பிலான் அரச குடும்ப விவகாரத்தில் தலையிடவில்லை - உண்டாங்களுக்கு அன்வார் பதிலடி

திசைகள் செய்திப்பிரிவு
Share:
நெகிரி செம்பிலான் அரச குடும்ப விவகாரத்தில் தலையிடவில்லை - உண்டாங்களுக்கு அன்வார் பதிலடி

நெகிரி செம்பிலான் அரச குடும்ப விவகாரத்தில் தாம் தலையிட முயற்சிக்கவில்லை என பிரதமர் டத்தோ ஶ்ரீ அன்வார் இப்ராஹிம் தெரிவித்துள்ளார்.

நாட்டில் நடைமுறையில் உள்ள அரசியலமைப்பு முடியாட்சியைப் பாதுகாப்பதற்காகவே தாம் குரல் கொடுத்ததாகவும் அவர் குறிப்பிட்டுள்ளார்.

நெகிரி செம்பிலானில் உண்டாங்-கள், யாங் டிபெர்துவான் பெசாரை எளிதில் பதவி நீக்கம் செய்யும் நடவடிக்கையில் ஈடுபடக்கூடாது என்றும், அவ்வாறு நடந்தால் அரசியலமைப்பு முடியாட்சி முறைக்கு மிகப் பெரிய நெருக்கடி ஏற்படக்கூடும் என்றும் அன்வார் விளக்கமளித்துள்ளார்.

மேலும், யாங் டிபெர்துவான் பெசார் பதவியில் மாற்றம் செய்யப்படுவதற்கு குறிப்பிட்ட காரணங்கள் இருக்க வேண்டும் என நெகிரி செம்பிலான் மாநில சட்டங்கள் குறிப்பிடுவதாகவும் அவர் தெரிவித்துள்ளார்.

அதன்படி, ஆட்சியாளர் மனநலம் பாதிக்கப்பட்டால், பார்வை அல்லது பேச்சுத் திறனை இழந்தால், இஸ்லாமிய சட்டத்தின் கீழ் தகுதியிழந்தால், பதவியின் கண்ணியத்துக்கு பாதிப்பை ஏற்படுத்தும் செயலில் ஈடுபட்டால் அல்லது மாநில அரசியலமைப்பை வேண்டுமென்றே புறக்கணித்தால் மட்டுமே மாற்றம் செய்ய முடியும் என்பதையும் அன்வார் சுட்டிக் காட்டியுள்ளார்.

மேலும், ஒரு ஆட்சியாளரைப் பதவி நீக்கம் செய்வதை எளிதாக்க முடியாது என்பதால் தான் சட்டத்துறை தலைவர் உறுதியான முடிவை எடுத்ததாக குறிப்பிட்டுள்ள அன்வார், இதனை அனுமதித்தால், நாளை பிரதமரும் அமைச்சரவையும் யாங் டிபெர்துவான் அகோங்கை மாற்ற வேண்டும் என நினைத்து, மலாய் ஆட்சியாளர்களுக்கு கடிதம் எழுதும் நிலை ஏற்படலாம் என்றும் எச்சரித்துள்ளார்.

அதேவேளையில் யாங் டிபெர்துவான் அகோங்கை மாற்றுவது பிரதமரின் அதிகாரத்திற்கு உட்பட்டது அல்ல என்றும், பிரதமர் நாட்டை நிர்வகிக்கும் தலைவராக இருந்தாலும் அவரது அதிகாரங்களுக்கு வரம்புகள் உள்ளன என்றும் அன்வார் தெரிவித்துள்ளார்.

முன்னதாக நெகிரி செம்பிலானின் அரச விவகாரங்களில் தலையிட வேண்டாம் என அன்வாருக்கும், சட்டத்துறைத் தலைவருக்கும் மாநிலத்தின் நான்கு உண்டாங்களும் தம்பின் துங்கு பெசாரும் நேரடி எச்சரிக்கை விடுத்திருந்தனர் என்பது குறிப்பிடத்தக்கது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in அரசியல் →
நெகிரி செம்பிலான் மந்திரி பெசார் பதவியில் நீடிக்க பெரும்பான்மை ஆதரவை நிரூபிக்க வேண்டும்: அரண்மனை அறிவிப்பு

நெகிரி செம்பிலான் மந்திரி பெசார் பதவியில் நீடிக்க பெரும்பான்மை ஆதரவை நிரூபிக்க வேண்டும்: அரண்மனை அறிவிப்பு

இளம் மலாய் வாக்காளர்களை மீண்டும் கவர ஹராப்பானுக்கு வாய்ப்பு

இளம் மலாய் வாக்காளர்களை மீண்டும் கவர ஹராப்பானுக்கு வாய்ப்பு

நெகிரி செம்பிலான் மந்திரி பெசார் பதவி விலகல் சர்ச்சை: மாநில ஆட்சியாளரை அம்னோ ஏமாற்ற முயன்றதா? – ஜசெக தலைவர் கேள்வி

நெகிரி செம்பிலான் மந்திரி பெசார் பதவி விலகல் சர்ச்சை: மாநில ஆட்சியாளரை அம்னோ ஏமாற்ற முயன்றதா? – ஜசெக தலைவர் கேள்வி

நெகிரி செம்பிலான் மாநில அரசியல் சர்ச்சையில் புதிய திருப்பம்: மந்திரி பெசாராக இஸ்மாயில் லாசிம் நீடிக்க ஆட்சியாளர் உத்தரவு

நெகிரி செம்பிலான் மாநில அரசியல் சர்ச்சையில் புதிய திருப்பம்: மந்திரி பெசாராக இஸ்மாயில் லாசிம் நீடிக்க ஆட்சியாளர் உத்தரவு

மலாக்கா மாநிலத்தின் புதிய ஆட்சிக்குழு பதவியேற்பு – 10 சட்டமன்ற உறுப்பினர்கள் உறுதிமொழி ஏற்பு

மலாக்கா மாநிலத்தின் புதிய ஆட்சிக்குழு பதவியேற்பு – 10 சட்டமன்ற உறுப்பினர்கள் உறுதிமொழி ஏற்பு

நெகிரி செம்பிலான் அரசியல் நெருக்கடி – நாளை முக்கிய அறிவிப்பு வெளியாகலாம்

நெகிரி செம்பிலான் அரசியல் நெருக்கடி – நாளை முக்கிய அறிவிப்பு வெளியாகலாம்