பினாங்கு, பாயா தெருபோங் கில் உள்ள செரி ரெலாவ் தேசியப்பள்ளி வாக்களிப்பு மையத்தில் வாக்குப்பெட்டியில் சீல் வைக்கப்படாதது கண்டு பிடிக்கப்பட்டதால், காலை 8 மணிக்கு தொடங்கிய வாக்களிப்பு இடைநிறுத்தம் செய்யப்பட்டது. எனினும் வாக்குப்பெட்டி சீல் வைக்கப்பட்ட பின்னர் மிக தாமதமாக பிற்பகல் 1.26 மணியளவில் மறுபடியும் வாக்களிப்பு ஆரம்பமானது. காலையில் வைக்கப்பட்ட அந்த வாக்குப்பெட்டியில் ஏற்கனவே 177 வாக்குகள் செலுத்தப்பட்டப்பின்னரே அந்த வாக்குப்பெட்டியில் சீல் வைக்கப்படவில்லை என்பதை பெரிக்காத்தான் நேஷனல் வேட்பாளர் ஓய் நெய் ஒன்ன் கண்டுபிடித்தார்.
சீல் வைக்கப்படாத பெட்டிக்குள் போடப்பட்ட 177 வாக்குகளை தாம் அங்கீகரிக்க இயலாது என்று அந்த வேட்பாளர் தமது ஆட்சேபத்தை தெரிவித்ததுடன், வாக்களிப்பை நிறுத்துமாறு கேட்டுக்கொண்டார். இதனை தொடர்ந்து வாக்களிப்பை தேர்தல் ஆணையம் நிறுத்தியது. அந்த வாக்களிப்பு மைய வழித்தடத்தில் 719 வாக்காளர்கள் வாக்களிப்பதற்கு பதிவு செய்யப்பட்டு இருந்தனர். அந்த வாக்குப்பெட்டியின் சீல் கழன்று, அருகில் உள்ள மற்றொரு பெட்டிக்கு அருகில் கிடந்தது கண்டு பிடிக்கப்பட்டது. எனினும் சீல் வைக்கப்படாத பெட்டிக்குள் ஏற்கனவே போடப்பட்ட அந்த 177 வாக்குகள் செல்லுமா? செல்லாதா? என்பது குறித்து புதிய சர்ச்சை எழுந்துள்ளது.
Related News
பணம் பறிபோனால் உடனடியாக 997-க்கு அழையுங்கள்: அமைச்சர் ஃபஹ்மி ஃபாட்சில் அறிவுறுத்தல்
மூன்றே வாரங்களில் 100 கோடி ரிங்கிட் விநியோகம்: 1.25 கோடி மலேசியர்கள் 'சாரா' நிதியுதவியால் பயன் - பிரதமர் அன்வார்
சட்டவிரோத ஆலயத்தை இடிக்கக் கோரவில்லை: ஜம்ரி வினோத் மறுப்பு
பிரதமரின் மூத்த அரசியல் ஆலோசகராக தெங்கு ஜப்ருல் நியமனம்
பினாங்கு மாநில ஆட்சிக்குழுவில் மாற்றம்: ஃபஹ்மி சைனோலுக்குப் பதில் கோ சூன் ஐக் நியமனம்
