கோலாலம்பூர், நவம்பர்.30-
சபா மாநிலத் தேர்தலுக்குப் பிறகு, ஆளும் GRS கட்சியுடன் இணைந்து அரசாங்கத்தை அமைப்பதற்கு தேசிய முன்னணி தனது முழு ஆதரவையும் அளித்துள்ளதாக அம்னோ பொதுச் செயலாளர் அஷ்ராஃப் வாஜ்டி டுசுகி அறிவித்துள்ளார். இந்த முக்கிய முடிவைத் தொடர்ந்து, எந்த ஒரு கட்சிக்கும் பெரும்பான்மை கிடைக்காத நிலையில் இருந்த சபா சட்டசபைத் தேர்தலில், GRS தலைவர் ஹஜிஜி நூர் இன்று அதிகாலையில் முதலமைச்சராகப் பதவியேற்றார்.
அரசியல் நிலைத்தன்மைக்கும் மக்களின் நலனுக்கும் தேசிய முன்னணி எப்போதும் முன்னுரிமை அளிக்கும் என்று அதன் தலைவர் டத்தோ ஶ்ரீ ஸாஹிட் ஹாமிட் நேற்று அறிவித்திருந்தார். அதன் அடிப்படையில் இந்தக் கூட்டணி அமைந்தது.
