மலாக்கா சட்டமன்றத் தேர்தலில் எந்த அரசியல் கட்சியுடனும் கூட்டணி அமைக்கப் போவதில்லை என்று பெர்சாத்து பொதுச் செயலாளர் அஸ்மின் அலி தெரிவித்துள்ள நிலையில், மாநில அளவில் அக்கட்சி வேறுபட்ட நிலைப்பாட்டைக் கொண்டிருப்பதாக ஆய்வாளர் ஒருவர் தெரிவித்துள்ளார்.
மலாயா பல்கலைக்கழகத்தைச் சேர்ந்த தௌஃபிக் யாகோப் கூறுகையில், பாரிசான் நேஷனல் மற்றும் பாஸ் கட்சிக்கு எதிராக அரசியல் ஒத்துழைப்பை ஆராயத் தயாராக இருப்பதாக மலாக்கா பெர்சாத்து தெரிவித்திருப்பது, தேசிய அளவிலான நிலைப்பாட்டுடன் முரண்படுவதாகக் கூறினார்.
மாநில அரசியல் சூழலும் தேசிய அளவிலான வியூகக் கணக்கீடுகளும் வேறுபடுவதை இது காட்டுவதாக அவர் தெரிவித்தார்.
அண்மைய ஜோகூர் மற்றும் நெகிரி செம்பிலான் தேர்தல்களில் பெர்சாத்து எந்தத் தொகுதியையும் வெல்லாத நிலையில், மலாக்காவில் தனித்து போட்டியிடுவதைவிட தேர்தல் ஒத்துழைப்பை நாட மாநிலத் தலைமை விரும்புவதாகவும் அவர் கூறினார்.
