பிரதமர் டத்தோ ஶ்ரீ அன்வார் இப்ராஹிமுடன் இணக்கமாகச் செயல்படாத அமைச்சர்களை உடனடியாகப் பதவியிலிருந்து நீக்க வேண்டும் என்று பெர்சாத்து தலைவர் டான் ஶ்ரீ முஹிடின் யாசின் வலியுறுத்தியுள்ளார்.
மலாக்கா மாநிலத் தேர்தலில் பெங்காலான் பத்து தொகுதி பெர்சாத்து வேட்பாளரை ஆதரித்து இன்று பிரசாரம் மேற்கொண்ட அவர், இத்தகைய அமைச்சர்கள் அரசாங்கத்தின் கொள்கைகளைச் சீர்குலைக்கக்கூடும் என்பதால், பிரதமர், அமைச்சரவையை மறுசீரமைத்து அவர்களை அரசாங்கத்திலிருந்து வெளியேற்ற வேண்டும் என்று தெரிவித்துள்ளார்.
மேலும், தாம் பிரதமராக இருந்திருந்தால், தன்னுடன் ஒத்துழைக்காத அமைச்சர்களை உடனடியாக நீக்குவதுடன், அமைச்சரவையையும் மறுசீரமைத்திருப்பேன் என்றும் முஹிடின் குறிப்பிட்டுள்ளார்.
அதேவேளையில், அன்வார் தலைமையிலான அரசாங்கத்தைக் கவிழ்ப்பதே அத்தகைய அமைச்சர்களின் நோக்கமாக இருக்கலாம் என்றும் அவர் குற்றஞ்சாட்டியுள்ளார்.
