பெரிக்காத்தான் நேஷனல் கூட்டணியின் பதிவை ரத்து செய்த நடவடிக்கையைத் தற்காலிகமாக நிறுத்தி வைத்துள்ள உயர் நீதிமன்றத்தின் தீர்ப்பை எதிர்த்து சங்கங்களின் பதிவு அலுவலகமான ஆர்ஓஎஸ்ஸும் உள்துறை அமைச்சரும் மேல்முறையீடு செய்துள்ளனர்.
நேற்று கோலாலம்பூர் உயர் நீதிமன்ற நீதிபதி அஸிஸான் அர்ஷாட் வழங்கிய தீர்ப்பு, பெரிக்காத்தான் நேஷனல் கூட்டணியின் பதிவை ரத்து செய்யும் நடவடிக்கைக்கு இடைக்காலத் தடையை ஏற்படுத்தியுள்ளது. இதனால், வழக்கின் இறுதி முடிவு வெளியாகும் வரை கூட்டணியின் பதிவை ரத்து செய்யும் நடவடிக்கை தற்காலிகமாக நிறுத்தி வைக்கப்பட்டுள்ளது.
இதன் மூலம் வரும் நவம்பர் 14 ஆம் தேதி நடைபெறவிருக்கும் மலாக்கா மாநில தேர்தலில் பெர்க்காத்தான் நேஷனல் சின்னத்தில் அதன் உறுப்புக்கட்சிகள் போட்டியிடுவதற்கு அனுமதி அளிக்கப்பட்டுள்ளது.
எனினும் இந்தத் தீர்ப்பை எதிர்த்து, ஆர்ஓஎஸ் தலைமை இயக்குநர் ஸுஃபிகார் அஹ்மாட், உள்துறை அமைச்சர் டத்தோ ஸ்ரீ சைஃபுடின் நசுத்தியோன் இஸ்மாயில் ஆகியோர் மேல்முறையீடு செய்துள்ளனர்.
தீர்ப்பை எதிர்த்து மேல்முறையீடு செய்யப்பட்டு இருப்பதை பெரிக்காத்தான் நேஷனல் தரப்பு வழக்கறிஞர் ரஃபிக் ரஷிட் அலி உறுதிப்படுத்தியுள்ளார்.
