13-ஆவது சரவாக் மாநிலத் தேர்தலில் பாரிசான் நேஷனல் போட்டியிடாது என அக்கூட்டணியின் தலைவர் டத்தோ ஶ்ரீ டாக்டர் அஹ்மாட் ஸாஹிட் ஹாமிடி உறுதிப்படுத்தியுள்ளார்.
சரவாக்கில் அம்னோ மற்றும் பார்ட்டி பெசாகா பூமிபுத்ரா பெர்சாத்து இடையே ஏற்பட்டுள்ள புரிந்துணர்வின் அடிப்படையில் இந்த முடிவு எடுக்கப்பட்டதாக அவர் தெரிவித்துள்ளார்.
பிபிபி எனப்படும் மக்கள் முன்னேற்றக் கட்சியின் தீபாவளி திறந்த இல்ல நிகழ்ச்சியில், இன்று கலந்து கொண்ட பின்னர் செய்தியாளர்களிடம் பேசிய ஸாஹிட் இதனைத் தெரிவித்துள்ளார்.
இந்நிலையில், 13-ஆவது சரவாக் மாநிலத் தேர்தலானது, வரும் டிசம்பர் 12-ஆம் தேதி நடைபெறவுள்ளது.
வேட்புமனுத் தாக்கலானது வரும் நவம்பர் 28-ஆம் தேதியும், முன்கூட்டியே வாக்குப்பதிவானது, டிசம்பர் 8-ஆம் தேதியும் நடைபெறும் என அறிவிக்கப்பட்டுள்ளது.
